Pickford telur að Everton geti strítt Liverpool og öðrum liðum
Það verður hart barist í kvöld þegar nágrannarnir Liverpool og Everton mætast á Anfield.
Liðin eru á mjög mismunandi stöðum í ensku úrvalsdeildinni. Liverpool er á toppnum með gott forskot á meðan Gylfi Þór Sigurðsson og félagar í Everton eru í neðri hlutanum, í fallbaráttu eins og er.
Everton hefur ekki unnið á Anfield í 21 ár, en Jordan Pickford, markvörður Everton, hefur trú á því að Everton geti gefið Liverpool alvöru leik.
„Við förum þangað jákvæðir og við vitum að stuðningsmennirnir verða á bak við okkur," sagði Pickford við Sky Sports.
„Við vitum hversu erfiður leikur þetta er - þeir eru á miklu skriði í augnablikinu. Það er ekki hægt að neita því. En að spila á Anfield og reyna að ná í góð úrslit fyrir stuðningsmennina, um það snýst þetta allt."
„Þegar við erum upp á okkar besta þá getum við gefið öllum liðum deildarinnar alvöru samkeppni, ekki bara Liverpool," sagði Pickford.
Á síðasta tímabili vann Liverpool deildarleikinn á Anfield 1-0 eftir mistök Pickford í uppbótartíma. „Það var erfitt að taka þessu vegna þess að ég gerði mistök en ég get lært af því, sem er gott."
„Það erfiðasta í þessu öllu saman var að við töpuðum gegn Liverpool sem er aldrei gott. Það var mjög erfitt þegar við komum inn í búningsklefann. Við gáfum allt í leikinn gegn Liverpool, en töpuðum 1-0 vegna mistaka sem ég gerði."
„En við getum lært af því tapi. Við vorum inn í leikinn og við fengum góð færi. Alisson varði nokkrum sinnum vel og við vorum inn í leiknum allan tímann," sagði Jordan Pickford.
Leikur Liverpool og Everton fer fram í kvöld klukkan 20:15.
Liverpool hefur ekki enn tapað í deildinni, unnið 13 leiki og gert eitt jafntefli til þessa.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 9 | 7 | 0 | 2 | 20 | 10 | +10 | 21 |
| 2 | Arsenal | 8 | 7 | 0 | 1 | 13 | 5 | +8 | 21 |
| 3 | Brighton | 9 | 6 | 1 | 2 | 24 | 7 | +17 | 19 |
| 4 | Chelsea | 9 | 5 | 1 | 3 | 19 | 15 | +4 | 16 |
| 5 | Liverpool | 8 | 4 | 3 | 1 | 11 | 8 | +3 | 15 |
| 6 | Brentford | 9 | 3 | 5 | 1 | 16 | 9 | +7 | 14 |
| 7 | Bournemouth | 9 | 3 | 3 | 3 | 14 | 13 | +1 | 12 |
| 8 | Tottenham | 9 | 3 | 3 | 3 | 10 | 10 | 0 | 12 |
| 9 | Aston Villa | 9 | 3 | 3 | 3 | 10 | 13 | -3 | 12 |
| 10 | Leeds | 9 | 2 | 5 | 2 | 9 | 8 | +1 | 11 |
| 11 | Hull City | 9 | 2 | 5 | 2 | 11 | 10 | +1 | 11 |
| 12 | Newcastle | 8 | 3 | 2 | 3 | 12 | 14 | -2 | 11 |
| 13 | Ipswich Town | 9 | 3 | 2 | 4 | 14 | 18 | -4 | 11 |
| 14 | Everton | 8 | 2 | 4 | 2 | 8 | 9 | -1 | 10 |
| 15 | Fulham | 9 | 2 | 3 | 4 | 9 | 11 | -2 | 9 |
| 16 | Coventry | 9 | 3 | 0 | 6 | 9 | 16 | -7 | 9 |
| 17 | Man Utd | 9 | 1 | 4 | 4 | 10 | 15 | -5 | 7 |
| 18 | West Ham | 38 | 10 | 9 | 19 | 46 | 65 | -19 | 39 |
| 18 | Crystal Palace | 9 | 2 | 1 | 6 | 9 | 21 | -12 | 7 |
| 19 | Nott. Forest | 9 | 1 | 3 | 5 | 6 | 12 | -6 | 6 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
| 20 | Sunderland | 9 | 1 | 2 | 6 | 7 | 17 | -10 | 5 |
