Byrjunarlið Burnley og Man City: Mendy og Stones á bekkinn
Jóhann Berg Guðmundsson er enn frá vegna meiðsla og verður ekki með Burnley gegn Manchester City í kvöld. Leikurinn hefst klukkan 20:15. Reiknað er með að landsliðsmaðurinn geti snúið aftur á keppnisvöllinn um miðjan desembermánuð.
Viðureign Burnley og Man City er áhugaverð þar sem Englandsmeistararnir hafa verið að tapa nokkuð mikið af stigum og sitja í þriðja sæti ensku deildarinnar sem stendur, ellefu stigum eftir toppliði Liverpool.
Burnley er um miðja deild með 18 stig, ellefu stigum á eftir Man City.
City verður án sterkra leikmanna eins og Sergio Agüero, Aymeric Laporte, Ilkay Gundogan og Leroy Sane í kvöld.
Ríkjandi Englandsmeistarar Man City gerðu jafntefli gegn Newcastle um síðustu helgi. Frá þeim leik gerir Pep Guardiola fjórar breytingar. John Stones og Bernard Mendy fara á bekkinn fyrir Otamendi og Angelino. Þá koma Rodri og Bernardo Silva einnig inn í byrjunarliðið fyrir leik kvöldsins.
Burnley tapaði 2-0 gegn Crystal Palace á heimavelli um síðustu helgi. Erik Pieters, Danny Drinkwater og Aaron Lennon koma inn í byrjunarliðið frá þeim leik. Drinkwater, sem er í láni frá Chelsea, er að spila sinn fyrsta leik í ensku úrvalsdeildinni á þessu tímabili.
Byrjunarlið Burnley: Pope, Pieters, Bardsley, Tarkowski, Mee, Cork, Drinkwater, McNeil, Lennon, Hendrick, Wood.
(Varamenn: Hart, Lowton, Barnes, Brady, Gibson, Rodriguez, Vydra)
Byrjunarlið Man City: Ederson, Walker, Angelino, Otamendi, Fernandinho, Rodri, Silva, Bernardo, De Bruyne, Sterling, Jesus.
(Varamenn: Bravo, Stones, Mendy, Mahrez, Cancelo, Foden, Garcia)
Leikir kvöldsins:
19:30 Crystal Palace - Bournemouth (Síminn Sport 2)
20:15 Burnley - Manchester City (Síminn Sport)
Sjá einnig:
Byrjunarlið Crystal Palace og Bournemouth: Wilson kemur inn
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 8 | 7 | 0 | 1 | 20 | 9 | +11 | 21 |
| 2 | Arsenal | 8 | 7 | 0 | 1 | 13 | 5 | +8 | 21 |
| 3 | Brighton | 8 | 5 | 1 | 2 | 23 | 7 | +16 | 16 |
| 4 | Liverpool | 8 | 4 | 3 | 1 | 11 | 8 | +3 | 15 |
| 5 | Chelsea | 8 | 4 | 1 | 3 | 17 | 15 | +2 | 13 |
| 6 | Brentford | 8 | 2 | 5 | 1 | 14 | 9 | +5 | 11 |
| 7 | Leeds | 8 | 2 | 5 | 1 | 9 | 6 | +3 | 11 |
| 8 | Newcastle | 8 | 3 | 2 | 3 | 12 | 14 | -2 | 11 |
| 9 | Aston Villa | 8 | 3 | 2 | 3 | 9 | 12 | -3 | 11 |
| 10 | Hull City | 8 | 2 | 4 | 2 | 9 | 8 | +1 | 10 |
| 11 | Everton | 8 | 2 | 4 | 2 | 8 | 9 | -1 | 10 |
| 12 | Ipswich Town | 8 | 3 | 1 | 4 | 12 | 16 | -4 | 10 |
| 13 | Bournemouth | 8 | 2 | 3 | 3 | 12 | 13 | -1 | 9 |
| 14 | Tottenham | 8 | 2 | 3 | 3 | 8 | 10 | -2 | 9 |
| 15 | Fulham | 8 | 2 | 2 | 4 | 8 | 10 | -2 | 8 |
| 16 | Man Utd | 8 | 1 | 4 | 3 | 10 | 13 | -3 | 7 |
| 17 | Crystal Palace | 8 | 2 | 1 | 5 | 9 | 19 | -10 | 7 |
| 18 | Nott. Forest | 8 | 1 | 3 | 4 | 6 | 10 | -4 | 6 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Coventry | 8 | 2 | 0 | 6 | 6 | 15 | -9 | 6 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
| 20 | Sunderland | 8 | 1 | 2 | 5 | 6 | 14 | -8 | 5 |
