England: Mourinho tapaði á Trafford
Manchester United hafði betur gegn Tottenham í stórleik sem var að ljúka rétt í þessu. Jose Mourinho mætti þar á Old Trafford ári eftir brottrekstur sinn frá Rauðu djöflunum.
Heimamenn byrjuðu vel og skoraði Marcus Rashford eftir sex mínútur. Hann átti fast skot í nærhornið úr erfiðu færi og hægt að setja spurningarmerki við Paulo Gazzaniga á milli stanga gestanna.
Dele Alli jafnaði með glæsilegu marki fyrir leikhlé þar sem hann lék skemmtilega á varnarmenn Man Utd með frábærri snertingu áður en hann skoraði.
Rashford skoraði svo snemma í síðari hálfleik með marki úr vítaspyrnu eftir klaufalegt brot Moussa Sissoko innan vítateigs.
Tottenham náði tveimur skotum á rammann eftir leikhlé og stóðu lærisveinar Ole Gunnar Solskjær uppi sem sigurvegarar. Þetta var fyrsta tap Mourinho með Tottenham eftir þrjá sigurleiki í röð.
Man Utd 2 - 1 Tottenham:
1-0 Marcus Rashford ('6)
1-1 Dele Alli ('39)
2-1 Marcus Rashford ('49, víti)
Lærisveinar Frank Lampard hjá Chelsea eru aftur komnir á sigurbraut þökk sé Tammy Abraham og Mason Mount sem afreiddu Aston Villa í kvöld.
Abraham skoraði með skalla í fyrri hálfleik og jafnaði Trezeguet fyrir leikhlé. Mount kom heimamönnum aftur yfir í upphafi síðari hálfleiks og áttu gestirnir engin svör.
Chelsea verðskuldaði sigurinn og er liðið í fjórða sæti deildarinnar, með 29 stig eftir 15 umferðir.
Chelsea 2 - 1 Aston Villa
1-0 Tammy Abraham ('24)
1-1 Trezeguet ('41)
2-1 Mason Mount ('48)
Leicester er í öðru sæti með 35 stig eftir sigur á botnliði Watford. Jamie Vardy og James Maddison skoruðu mörkin.
Vardy fékk gult spjald fyrir dýfu í fyrri hálfleik en margir eru á því að vítaspyrna hefði átt að vera dæmd. Atvikið var skoðað með myndbandstækni og ekkert aðhafst.
Leicester 2 - 0 Watford
1-0 Jamie Vardy ('55, víti)
2-0 James Maddison ('95)
Wolves sigraði þá West Ham 2-0. Ítalska ungstirnið Patrick Cutrone kom inn undir lok leiks og skoraði tveimur mínútum síðar.
Danny Ings skoraði þá í 2-1 sigri Southampton gegn Norwich. Teemu Pukki gerði eina mark nýliðanna.
Wolves 2 - 0 West Ham
1-0 Leander Dendoncker ('23)
2-0 Patrick Cutrone ('86)
Southampton 2 - 1 Norwich
1-0 Danny Ings ('22)
2-0 Ryan Bertrand ('43)
2-1 Teemu Pukki ('65)
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 8 | 7 | 0 | 1 | 20 | 9 | +11 | 21 |
| 2 | Arsenal | 8 | 7 | 0 | 1 | 13 | 5 | +8 | 21 |
| 3 | Brighton | 8 | 5 | 1 | 2 | 23 | 7 | +16 | 16 |
| 4 | Liverpool | 8 | 4 | 3 | 1 | 11 | 8 | +3 | 15 |
| 5 | Chelsea | 8 | 4 | 1 | 3 | 17 | 15 | +2 | 13 |
| 6 | Brentford | 8 | 2 | 5 | 1 | 14 | 9 | +5 | 11 |
| 7 | Newcastle | 8 | 3 | 2 | 3 | 12 | 14 | -2 | 11 |
| 8 | Aston Villa | 8 | 3 | 2 | 3 | 9 | 12 | -3 | 11 |
| 9 | Leeds | 7 | 2 | 4 | 1 | 9 | 6 | +3 | 10 |
| 10 | Hull City | 8 | 2 | 4 | 2 | 9 | 8 | +1 | 10 |
| 11 | Everton | 8 | 2 | 4 | 2 | 8 | 9 | -1 | 10 |
| 12 | Ipswich Town | 8 | 3 | 1 | 4 | 12 | 16 | -4 | 10 |
| 13 | Bournemouth | 8 | 2 | 3 | 3 | 12 | 13 | -1 | 9 |
| 14 | Tottenham | 8 | 2 | 3 | 3 | 8 | 10 | -2 | 9 |
| 15 | Fulham | 8 | 2 | 2 | 4 | 8 | 10 | -2 | 8 |
| 16 | Man Utd | 8 | 1 | 4 | 3 | 10 | 13 | -3 | 7 |
| 17 | Crystal Palace | 8 | 2 | 1 | 5 | 9 | 19 | -10 | 7 |
| 18 | Nott. Forest | 8 | 1 | 3 | 4 | 6 | 10 | -4 | 6 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Coventry | 8 | 2 | 0 | 6 | 6 | 15 | -9 | 6 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
| 20 | Sunderland | 7 | 1 | 1 | 5 | 6 | 14 | -8 | 4 |
