Arsenal mætir West Ham annað kvöld, en liðið hefur ekki unnið í síðustu níu leikjum sínum.

Ljungberg, sem er fyrrum leikmaður Arsenal, hefur stýrt liðinu í tveimur leikjum frá því að Unai Emery var rekinn. Hann stýrði liðinu í 2-2 jafntefli gegn Norwich og 2-1 tapi gegn Brighton.

Eins og staðan er núna þá er Arsenal tíu stigum frá Meistaradeildarsæti og aðeins fimm stigum frá fallsæti. Þrátt fyrir það segir Ljungberg: „Við eigum ekki að hætta að tala um efstu fjögur sætin."

Arsenal hefur ekki náð Meistaradeildarsæti síðan 2015/16 tímabilið.

„Fyrir okkur snýst þetta samt um það sem við erum að gera hér og núna, ekki að líta upp, niður eða til hliðar. Við þurfum bara að vinna í okkar leik og okkar sjálfstrausti."