mán 09. desember 2019 20:45
Sæbjörn Þór Þórbergsson Steinke
Witsel datt heima hjá sér - Þurfti að fara í aðgerð
Witsel ásamt Marco Reus.
Witsel ásamt Marco Reus.
Mynd: Getty Images
Axel Witsel mun ekki leika meira með Dortmund á þessu ári, belgíski landsliðsmaðurinn slasaði sig heima hjá sér.

Witsel fór á sjúkrahús í gær og í kjölfarið var ákveðið að leikmaðurinn þyrfti á andlitsaðgerð að halda. Witsel datt heima hjá sér sem olli skaða á andliti hans.

Lucien Favre, stjóri Dortmund, hefur staðfest að Witsel verði ekki meira með á þessu ári.

„Við gátum ekki talað við hann í gær þar sem hann var á gjörgæslu. Hann verður ekki meira með á þessu ári en hann fór heim til sín í dag. Vonandi snýr hann til baka sem fyrst," sagði Favre við fjölmiðla í dag.


Athugasemdir
banner
banner