Aurelio De Laurentiis, eigandi Napoli, er búinn að reka Carlo Ancelotti úr stöðu sinni sem aðalþjálfari félagsins.

Ancelotti stýrði Napoli upp úr riðlakeppni Meistaradeildarinnar fyrr í kvöld þegar hans menn lögðu belgíska félagið Genk að velli með öruggum 4-0 sigri.

Eftir leikinn sagðist Ancelotti ekki ætla að segja af sér og að hann byggist við samræðum við De Laurentiis á morgun. Sú er ekki raunin og er búið að reka hann eftir eitt og hálft ár í starfi.

Fjölmiðlar á Ítalíu eru sammála um að Gennaro Gattuso verði kynntur sem nýr stjóri á næstunni.

Everton og Arsenal eru bæði talin hafa áhuga á að ráða Ancelotti til sín eftir brottrekstra Marco Silva og Unai Emery.

SSC Napoli has taken the decision to part ways with first-team coach Carlo Ancelotti.
The friendship and mutual respect between the club, President Aurelio De Laurentiis and Carlo Ancelotti remain intact.

— Official SSC Napoli (@en_sscnapoli) December 10, 2019

Tweet

Senda a Facebook Hafdu samband Senda frétt Prenta frétt Frétta leit