Stuðningsmenn Lyon eru ekki sérlega sáttir með stöðu mála þrátt fyrir að félagið hafi komist áfram í Meistaradeildinni. Lyon er sem stendur í sjöunda sæti frönsku úrvalsdeildarinnar.

Lyon gerði 2-2 jafntefli gegn RB Leipzig á þriðjudag og tryggði það liðinu áfram í Meistaradeildinni. Eftir leikinn komst einn áhangandi Lyon inn á völlinn með fána gegn Marcelo. Búið var að teikna asna á fánann með undirskriftinni: „Marcelo, yfirgefðu félagið."

Sjá einnig:
Lyon komst áfram: Memphis fokreiður

Marcelo er ekki vel liðinn hjá hörðustu stuðningsmönnum Lyon og samkvæmt RMC Sport þá vill hann fara frá félaginu og eins fljótt og hægt er. Hann er sagður óttast mjög um öryggi sitt og fjölskyldu sinnar í Lyon.

Marcelo er 32 ára gamall, en hann hefur leikið með Lyon frá 2017. Hann er samningsbundinn til 2021.