Janus hóf þjálfaraferil sinn er hann tók við liði FH sem lék í 2. deildinni árið 1983 en hann var þá samningsbundinn þýska liðinu Fortuna Köln í Vestur Þýskalandi og gat því ekki leikið með FH það sumarið. Hann hætti svo á miðju sumri og fór aftur til Köln þar sem hann var leikmaður og framlengdi samningi sínum við félagið skömmu síðar.

Árið 1993 var hann ráðinn þjálfari KR á miðju tímabili eftir að Ivan Sochor var rekinn 18. ágúst og liðið komið í bullandi fallbaráttu.

Janus hafði þá verið þjálfari 2. flokks KR en tók við Meistaraflokknum í 8. sæti deildarinnar, fjórum stigum frá fallsæti. Undir hans stjórn kláraði KR síðustu 5 umferðirnar með stæl og endaði í fimmta sæti deildarinnar. Guðjón Þórðarson tók svo við þjálfarastöðunni í lok tímabilsins.

Janus hefur einnig þjálfað meistaraflokk Reynis Sandgerði í 2. deildinni árið 1994 . Hann á að baki 34 leiki fyrir A-landslið Íslands og skoraði í þeim tvö mörk en þrisvar var hann fyrirliði.

Álftanes er í fjórða sæti C-riðilsins með 11 stig og eiga ekki möguleika á að komast í umspil um sæti í 2. deildini að ári. Fyrsti leikur Janusar með liðið er gegn Hvíta Riddaranum á miðvikudagskvöld.