Arnar Daði Arnarsson @arnardadi

- Meðalaldur 29 ár

- Meðalaldur 28 ár

Textalýsing Skýrslan Viðtöl

Hvað réði úrslitum? Sóknarlíka beggja liða átti ekki sinn dag í kvöld. Sjálfsagt geta bæði lið talið upp 1-2 færi sem þau fengu í leiknum, en á heildina litið náðu þau sjaldan að opna varnir andstæðingana eftir laglegt spil. Markalaust jafntefli sanngjörn niðurstaða, verður að segjast. Bestu leikmenn 1. Ármann Smári Björnsson Stýrði vörn Skagamanna vel í leiknum. Steig vart feilspor, skallaði ófáar fyrirgjafir Fylkismanna frá og var síðan líklegur í föstum leikatriðum. Mikilvægt fyrir ÍA að halda hreinu í sumar og þeir geta þakkað Ármanni fyrir margt í kvöld. 2. Ragnar Bragi Sveinsson Einn af fáum jákvæðu punktunum í sóknarleik Fylkis. Það reyndi lítið á vörn Fylkis í leiknum og því var Ragnar sá frískasti í liðinu. Hljóp úr sér lungun og barðist fyrir liðið. Var líklegur að skora og varnarmenn ÍA þurftu í tvígang að brjóta á honum, þegar hann var kominn í fína stöðu. Atvikið Á 56. mínútu fengu Fylkismenn besta færi leiksins. Ingimundur Níels átti þá góða fyrirgjöf frá hægri. Albert Brynjar skallaði boltann í stöngina af stuttu færi og í kjölfarið átti Oddur Ingi þrumuskot yfir markið, í enn betra færi. Albert Brynjar óheppinn, en Oddur Ingi hefði átt að gera betur, minnka kraftinn í skotinu og meiri yfirvegun í skotið. Þegar þú ert í svona færi, þá áttu að hitta á markið. Þetta hefði getað skilað þeim öll stigin sem í boði voru.

Hvað þýða úrslitin? Fyrsta stiga ÍA í síðustu fjórum leikjum. Eru enn í 10. sæti deildarinnar með 5 stig. Fylkismenn komnir í 6. sæti deildarinnar eftir jafnteflið í kvöld með 9 stig. Bæði lið líklega vonsvikinn með stigasöfnunina eftir sjö umferðir. Vondur dagur Arsenij Buinickij sást varla í leiknum. Ástæðan fyrir því að ég áttaði mig á því að hann var á vellinum, var sú að hann tók nokkrar aukaspyrnu ÍA. Meira var það ekki. Eitt mark í átta leikjum fyrir ÍA í sumar. Það er langt í frá að vera ásættanlegt. Samt sem áður næst markahæsti leikmaður ÍA á tímabilinu. Segir margt um stöðu mála á Skaganum. Dómarinn - 6 Ágætis dómgæsla hjá löggunni. Hvorugt liðið getur kvartað undan Pétri eftir leikinn í kvöld. Ein og ein atriði hér og þar.

- Meðalaldur 32 ár