Mist Rúnarsdóttir @MistRunarsdotti

- Meðalaldur 26 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Leikurinn var opinn og skemmtilegur en öflugur varnarleikur og gott skipulag Þróttara kom í veg fyrir að Valskonum tækist að kveikja á flugeldunum. Valsliðið var meira með boltann og átti fleiri marktilraunir en Þróttarar voru mjög þéttar til bakar og sóknir liðsins vel útfærðar. Það vantaði aðeins meira bit fram á við hjá báðum liðum til þess að breyta jafntefli í sigur. Bestu leikmenn 1. Sóley María Steinarsdóttir (Þróttur) Þróttarliðið varðist virkilega vel og Sóley María var gríðarlega öflug í hjarta varnarinnar. Frábær frammistaða hjá þessum öfluga miðverði. 2. Mist Edvardsdóttir (Valur) Mist kemur sterk til leiks sem miðvörður þetta tímabilið og það á engin séns í hana í loftinu. Spilaði leikinn nánast óaðfinnanlega. Atvikið Jelena Tinna henti sér hetjulega fyrir skot Elínar Mettu í teignum á 76. mínútu. Bjargaði að öllum líkindum marki þar.

Hvað þýða úrslitin? Valskonur tala um tvö töpuð stig en tylla sér engu síður í toppsæti deildarinnar í bili þar sem að Blikar töpuðu óvænt í Eyjum. Þróttarar eru með tvö stig eftir tvo leiki en frammistaða kvöldsins hlýtur að gefa liðinu byr undir báða vængi eftir viss vonbrigði í fyrstu umferð. Vondur dagur Valskonur ætluðu sér 3 stig og fara súrar heim. Það eru ansi margar í liði gestanna sem maður gerir kröfu á að geri betur. Til dæmis þær Anna Rakel og Ída Marín sem náðu ekki almennilegum takti og fóru af velli eftir um klukkustundarleik. Dómarinn - 6,5 Það var hart barist út á velli. Leikmenn létu finna vel fyrir sér og héldu tríóinu á tánum. Það voru þó engar risa ákvarðanir að taka og tríóið með sitt nokkurn veginn á hreinu.

- Meðalaldur 31 ár

- Meðalaldur 29 ár