Sverrir Örn Einarsson @SEinarsson

- Meðalaldur 25 ár

Textalýsing Skýrslan Viðtöl

Hvað réði úrslitum? Víkingar virkuðu bara ögn beittari og vildu þetta meira í dag. En aðstæður spiluðu stóra rullu líka sem og fjarvera lykilmanna í liði Grindavíkur. En Víkingar vel að sigrinum komnir. Bestu leikmenn 1. Bjartur Bjarmi Barkarson Mark og stoðsendingar í dag. Strákur sem eflaust margir fyrir vestan horfa til að leiða endurreisn Víkinga. 2. Pollurinn Stoðsending í fyrri hálfleik og fín varnarvinna í þeim seinni hjá pollinum við teiginn norðan megin á Grindavíkurvelli. Spaugilegt að leikmenn hafi þó þrjóskast við í 90 mínútur að reyna að spila í gegnum hann þegar boltinn stöðvaðist um leið og hann kom í pollinn strax á fyrstu mínútum leiksins. En það gerði leikinn skemmtilegan og fyndin áhorfs. Atvikið 91.mínúta Víkingar sleppa í gegn og eru þrír gegn Aroni Degi en pollurinn með stórbrotinn varnarleik og stöðvar þá. Þeir fá annað tækifæri í teignum og ná skoti en pollurinn aftur með stórfenglega björgun og heimamenn sleppa. Blaðamannastúkan veltist um af hlátri og skemmti sér konunglega.

Hvað þýða úrslitin? Víkingar enda mótið með sæmd og gefa sér góða ástæðu til þess að fagna í kvöld. Grindvíkingar fara inn í veturinn með vonbrigðatímabil á bakinu og þurfa að ýta á restart með nýjum þjáfara. Vondur dagur Ivan Jugovic vallarstjóri Grindavíkur sagði þegar skammt var eftir til leiksloka að hann hlakkaði ekki til að mæta í vinnuna á mánudag. Horfði á rennblautt grasið tætast upp í leiknum og verður vinnan ærleg að undirbúa völlinn fyrir veturinn. Dómarinn - 7 Valdimar og hans teymi var kalt á vellinum í dag en stóðu sig með prýði fyrir því. Fínasti leikur hjá þeim.

- Meðalaldur 23 ár