Stefán Marteinn Ólafsson @Stefanmarteinn7

- Meðalaldur 32 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Breiðablik gerðu það sem þurfti í kvöld. Fengu færin til að bæta við en Stjarnan fékk líka sín færi til að taka eitthvað úr þessum leik. Miðað við lokamínútur leiksins mega Stjörnumenn vera sárir að fá ekkert úr þessu en vel gert hjá Breiðablik að halda út og sigla þessum sigri heim. Bestu leikmenn 1. Kristinn Jónsson Var öflugur á báðum endum vallarins fyrir Breiðablik í kvöld. Ekki síður varnarlega þegar á reyndi. Virkilega góður í kvöld. 2. Patrik Johannesen Skoraði fyrsta markið og lagði upp síðara. Fyrsta markið var vel gert og vel vakandi. Stoðsendingin var svo glæsileg en það var misheppnuð klippa sem endaði sem þessi fína stoðsending. Frábær viðbót við flott sóknarbúr Blika ef hann nær aftur fyrra formi fyrir meiðsli. Atvikið Það er ekkert eitt atvik sem ösrkar á mann úr þessum leik en ef Patrik Johannesen hefði hitt boltann betur í öðru markinu og skorað það sjálfur hefði það verið svakalegt. Ef og hefði og allar þær frænkur en stoðsendingin var engu að síður nett fyrir vikið.

Hvað þýða úrslitin? Breiðablik slítur sig aðeins frá þéttum pakka fyrir neðan sig og heldur í annað sætið. Stjarnan misstigur sig annan leikinn í röð og sitja í 8.sætinu. Vondur dagur Benjamin Stokke hefur átt betri leiki. Leiddi línuna hjá Breiðablik en man voðalega lítið eftir einhverju sem hann gerði inni á vellinum. Hvort maður gerir meiri og ósanngjarnari væntingar til hans heldur en aðra skal ósagt látið en hann er fyrsta nafnið sem kemur upp í hugan hérna. Dómarinn - 7 Solid sjöa á teymið. Fannst þeir negla stóru ákvarðanirnar. Kom smá kafli undir lok leiks þar sem manni fannst línan aðeins vera að sveiflast en heilt yfir þá var þetta bara mjög solid.

- Meðalaldur 28 ár

- Meðalaldur 21 ár