Gabríel Sighvatsson @fotboltinet

- Meðalaldur 33 ár

Textalýsing Skýrslan

Hvað réði úrslitum? Aðstæður voru erfiðar í dag en mikill vindur hafði áhrif á leikinn. Leiknum lyktaði lengi vel með jafntefli og hefði getað dottið hvorum megin sem var en Eyjamenn voru kraftmeiri í síðari halfleik. Þeir skoruðu tvö mörk með stuttu millibili þegar korter var eftir og þau tryggðu ÍBV stigin þrjú. Bestu leikmenn 1. Jonathan Glenn (ÍBV) Var sífellt að ógna og komst á blað á 72. mínútu þegar hann kláraði vel eftir sendingu frá Víði. Var sífellt að taka menn á og Blikar áttu í erfiðleikum með að halda aftur af honum. 2. Avni Pepa (ÍBV) Fyrirliðinn skilaði sínu verki mjög vel í dag. Hann átti góðan leik í vörninni og hjálpaði liði sínu að landa stigunum þrjú og það sem kannski meira var, að halda hreinu í fyrsta skipti í sumar. Atvikið Mark Jonathan Glenn. Það setti tóninn því Víðir skoraði svo annað mark stuttu síðar og kláraði leikinn. Fyrra markið kveikti í stúkunni og gaf Eyjamönnum sjálfstraustið sem þeir þurftu til að vinna í dag.

Hvað þýða úrslitin? Blikar tapa sínum fyrsta leik í deildinni í ár og eiga á hættu á að missa FH fjórum stigum fram úr sér ef þeim tekst að leggja Fjölni af velli. ÍBV nær í gríðarlega mikilvæg 3 stig, heldur hreinu í fyrsta sinn og er núna einu stigi frá öruggu sæti í deildinni. Vondur dagur Ellert Hreinsson. Var vaðandi í færum en náði á engan hátt að nýta sér þau. Var síðan skipt út af eftir rúmar 70 mínútur í stöðunni 2-0. Segir ýmislegt um frammistöðu þína að vera framherji og skipt út af þegar liðið þitt er undir. Dómarinn - 8 Erlendur fylgdi eftir góðu gengi sínu frá síðasta leik milli Stjörnunnar og KR og klárlega besti dómarinn sem hefur komið til Eyja í sumar. Var með felstallar ákvarðanir hárréttar og sömuleiðis aðstoðarmenn hans. Mees Siers átti gróft brot í byrjun leiks en hefði verið harkalegt að reka hann útaf.

- Meðalaldur 34 ár

- Meðalaldur 31 ár