Alexander Freyr Tamimi @alexander_freyr

- Meðalaldur 31 ár

Textalýsing Skýrslan Viðtöl

Hvað réði úrslitum? Blikar áttu frábæran kafla í fyrri hálfleik og hefðu getað skorað fleiri mörk. Þeir fengu svo á sig jöfnunarmark og virtust detta niður eftir það. Þeir voru arfaslakir í seinni hálfleik og eftir að Damir Muminovic fékk rautt spjald í stöðunni 1-1 var þetta bara búið spil. Heimamenn voru mun betri og áttu skilið að vinna, þökk sé þrennu frá hinum ótrúlega Óttari Magnúsi Karlssyni. Þvílíkur leikur hjá pilti. Bestu leikmenn 1. Óttar Magnús Karlsson En ekki hvað? Tekur sig til og skorar þrennu. Var í alvöru alltaf á bekknum í byrjun sumar en var samt duglegur að skora þegar hann kom inn á. Virkilega efnilegur leikmaður, brakandi ferskur úr Ajax akademíunni og tilbúinn að skella sér aftur út í mennskuna eftir sumarið. Annað væri bara vitleysa. 2. Ívar Örn Jónsson Átti vissulega nokkur föst leikatriði sem hefðu mátt vera betri en var jafnframt duglegur að skapa hættu í þó nokkur skipti. Óheppinbn að skora ekki þegar Gulli varði meistaralega frá honum. Atvikið Glæsilegt þriðja mark Óttars Magnúsar. Fullkomnaði þrennuna og leikinn hjá þessum frábæra unga leikmanni.

Hvað þýða úrslitin? Blikar hefðu getað stimplað sig inn í titilbaráttuna af fullum krafti í ljós 1-0 taps FH gegn KR. Eru þess í stað enn fimm stigum frá FH-ingum, en grátlegt að nýta sér ekki þessi úrslit. Vissulega nóg eftir af mótinu en ég tel að Blikar hafi þarna misst kjörið tækifæri til að blanda sér í titilbaráttuna. Víkingur stígur skref í átt að Evrópusæti og er nú í 5. sæti með 21 stig, tveimur stigum minna en Blikar sem eru sæti neðar. Vondur dagur Damir Muminovic. Tókst að næla sér í tvö heimskuleg gul spjöld á örfáum mínútum og var rekinn út af. Þarna var staðan 1-1 og Blikar voru búnir að ströggla og hann gerði liðsfélögum sínum 100 sinnum verra fyrir og brást þeim algjörlega. Dómarinn - 8 Þorvaldur dæmdi leikinn bara ansi vel að mér sýndist.

- Meðalaldur 3 ár

- Meðalaldur 31 ár