Það er nefnilega það. FH mætti ekki til leiks fyrstu mínúturnar og nýttu KR-ingar sér það með marki. Steven Lennon kom FH aftur inní leikinn með sturluðu marki og var leikurin í járnum eftir það en tvö mörk í uppbótartíma réðu úrslitum hér í kvöld.

Síðustu mínúturnar voru fullar af atvikum sem hægt er að skrifa pistla um. FH átti klárlega að fá víti í stöðunni 1-1 þegar að Albert Watson handlék knöttinn inní teiginn. Galið hjá Arnari Þór að flauta ekki á það. KR-ingar komust yfir rétt eftir það og virtust vera að sækja stigin þrjú áður en að Atli Guðna jafnaði með lokaspyrnu leiksins.

KR-ingar eru áfram í sjöunda sæti með tíu stig á meðan að FH heldur sig í fimmta sæti með þrettán stig. Jafntefli gerði lítið fyrir bæði lið.

Dómarar leiksins fá þennan vafasama titil. Nánar um það fyrir neðan.

Þóroddur byrjaði leikinn vel og virtist allt vera í ljóma. En eftir hálftíma leik missti hann gjörsamlega öll tök. Sleppti spjöldum, dæmdi ekki á augljós brot og flautaði á augljós ekki brot. Þóroddur þurfti síðan að fara útaf þegar að lítið var eftir af leiknum og ekki tók neitt skárra við í Arnari Þór. Sleppti því að dæma vítaspyrnu þegar að boltinn fór í hendina á Albert Watson á lykilaugnabliki í leiknum. En ég hef trú á því að þeir komi en sterkari til baka enda góðir dómarar. En þetta var ekki þeirra dagur í dag.