Fyrstu fimm mínútur leiksins. KRingar mættu gífurlega grimmir til leiks og slógu heimamenn algjörlega út af laginu með tveimur mörkum á fyrstu fimm mínútum leiksins. Eftirleikurinn var þeim svo auðveldur og komu heimamenn sér aldrei í takt við leikinn.

Fyrsta mark leiksins. Varnarmenn Keflavíkur voru úti á þekju og gerðu KR alltof auðvelt fyrir að komast afturfyrir vörnina þar sem Kristinn á fyrirgjöf með jörðinni á Björgvin sem gat fátt annað en skorað af meters færi. Gaf tóninn um það sem á eftir fylgdi

KR fær þrjú stig og færist ofar í töfluna og þar með nær toppnum þótt toppliðin hafi öll unnið sína leiki. Keflavík er hins vegar í vondum málum og með þessari spilamennsku verða stiginn ekki mörg sem þeir vinna í sumar.

Hér lværi sennilega hægt að setja hvern og einn einasta leikmann Keflavíkurliðsins og það sanngjarnt. Bojan var arfaslakur í vinstri bakverði og var líklega versti maðurinn á vellinum en ég kýs í dag að hlífa leikmönnum og velja Guðlaug Baldursson. Ef að lið nær ekki að mótivera sig í leik eins og þennan gegn KR og býður upp á svona spilamennsku er eitthvað að. Ekki það að Guðlaugur eigi einn sök en það er á hans ábyrgð að leikmenn séu tilbúnir í leikinn sem þeir voru augljóslega ekki. Það þarf að laga mikið hjá Keflavíkurliðinu til þess að þeir fari ekki lóðrétt niður í Inkasso aftur

Solid leikur hjá Þorvaldi og í raun ekki mikið að gera hjá honum.