Spilamennska Fjölnis var hreinlega mun betri en spilamennska ÍR stúlkna, það hefði í raun verið rán um hábjartan dag ef Fjölnir hefði ekki tekið 3 stig í dag.

Það kemur tvennt upp í hugann, hálfleiksskiptingar Palla Árna skiluðu sér gríðarlega vel og gaf Fjölnisstelpum mikið power sóknarlega. Einnig verð ég að minnast á mistök Evu Ýrar í seinna marki Fjölnis, skot langt utan af kanti sem hún kastar sér á og ver inn, var búin að vera frábær í leiknum fram að þessu.

Fjölnir er komið upp úr fallsæti með 6 stig og koma sér inn í pakkann með ÍR, Aftureldingu/Fram og Hömrunum, þær hefðu verið í vondum málum með Sindra á botninum ef þær hefðu tapað þessum leik.

Verð að skrifa þetta á Evu Ýr fyrir mistökin í sigurmarkinu, annars var ÍR liðið heilt yfir ekki gott í dag en Eva kostar sigurmarkið...

Vægt til orða tekið var Olgeir kallinn ekki spes í dag, bókstaflega gaf ÍR víti og dæmdi nokkra stórfurðulega dóma úti á velli í dag á báða bóga, jafn slæmur fyrir bæði lið.