Ég get ekki sagt að það sé mikill getumunur á liðunum. Eyjamenn spiluðu vel á fyrstu 25 mínútum leiksins og komu sér í mörg dauðafæri allan leikinn. Í seinni hálfleik réðu Sarpsborg einfaldlega lögum og ríkjum. Það var þá sem getumunurinn var aðeins meiri hjá gestunum.

Skallaeinvígið á þriðju mínútu leiksins hjá Yvan var einn af vendipunktum leiksins. Yvan lá á vellinum og þurfti aðhlynningu í 12 mínútur. Blóðtaka að missa einn sterkasta varnarmanninn þeirra útaf í byrjun leiks.

Úrslitin þýða það að Sarpsborg er með ansi gott forskot á ÍBV fyrir seinni leikinn í Noregi. ÍBV þarf að skora fjögur mörk til þess að fá framlengingu, og fimm til þess að vinna leikinn. Það er það sem við köllum á góðri íslensku, Brekka.

Þetta var bara vondur dagur fyrir eyjamenn. Þeir hefðu alveg getað haldið út og farið með markatöluna 0-2 út til Noregs. Seinustu tvö mörk leiksins voru óþarfi og var alveg hægt að koma í veg fyrir þau.

Á pari. Var duglegur að gefa spjöld bæði fyrir stór og lítil atriði.