Mist Rúnarsdóttir @MistRunarsdotti

- Meðalaldur 29 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Spilamennska Blika var töluvert markvissari en Stjörnunnar og heimakonur líklegri í hægum og heldur leiðinlegum fótboltaleik. Mark Selmu Sólar úr aukaspyrnu skildi liðin að en það var ofboðslega klaufalegt af hálfu Birnu sem átti að gera betur í Stjörnumarkinu. Bestu leikmenn 1. Alexandra Jóhannsdóttir Alex er búin að eiga gott sumar og hélt uppteknum hætti í dag. Vann vel teiganna á milli, átti góð hlaup með boltann þegar hún fékk pláss en skilaði annars boltanum nær undantekningalaust á samherja. 2. Selma Sól Magnsdóttir Vinnuhesturinn lét Stjörnukonur hafa fyrir sér í kvöld. Átti nokkrar frábærar skiptingar yfir til vinstri sem hefði verið hægt að nýta betur. Atvikið Sigurmarkið. Blikar fá aukaspyrnu rétt utan við vinstra markteigshornið. Selma Sól snýr boltanum yfir vegginn og í nærhornið þar sem Birna er mætt og virðist vera með allt á hreinu. Hún fær boltann hinsvegar í hnéð á leiðinni niður og hann endar í netinu. Ódýrt.

Hvað þýða úrslitin? Blikar endurheimta toppsætið sem þær misstu til Þórs/KA í rúman sólarhring. Stjarnan hefur kvatt toppbaráttuna og er komin í miðjumoð enda styttra í liðið fyrir neðan þær í töflunni en ofan. Vondur dagur Það fór lítið fyrir þónokkrum öflugum knattspyrnukonum í kvöld en Birna Kristjánsdóttir, markvörður Stjörnunnar, líður fyrir það að mistök markvarða eru iðulega þau dýrkeyptustu og hún átti að gera miklu betur í sigurmarki Breiðabliks. Dómarinn - 7 Fínt dagsverk hjá tríónu sem hefur oft haft meira að gera.

- Meðalaldur 31 ár

- Meðalaldur 24 ár