Það voru hreinlega meiri gæði hjá Fram í dag. Þeir voru ákveðnari í flestum aðgerðum sínum og hreinlega bara skrefi á undan stóran hluta leiksins. Selfyssingar komust aldrei úr 2. gír að mínum mati.

Þriðja mark Framara. Framarar fengu aukaspyrnu úti á miðjum velli. Þeir tóku hana stutt. Fred átti frábæra sendingu yfir vörn Selfoss og Thiago sá um rest. Á meðan sváfu varnarmenn Selfoss.

Framarar lyfta sér upp fyrir Þróttara og sitja nú í 5. sæti. Það er þó langt í næsta pakka sem saman stendur af liðinum fjórum sem berjast um að fara upp í Pepsi. Selfyssingar sitja áfram í 9. sæti og gætu hreinlega setið í fallsæti ef að úrslit í öðrum leikjum eru þeim óhagstæð.

Sóknarleikur Selfoss. Það var á smá kafla í fyrri hálfleik sem að Selfoss náði að setja pressu á Framara. Uppspilið gekk oft á tíðum illa og þeir náðu ekki að halda boltanum nægilega vel.

Coggins var ágætur í dag. Flautaði oft á smotterí.