Það voru fá alvöru færi í þessum leik og ÍR nýttu sín betur með marki strax á fjórðu mínútu og þar við sat.

Markið eftir fjórar mínútur er atvikið. Leiknismenn sköpuðu sér aldrei neitt dauðafæri og voru ekkert líklegir til að jafna.

ÍR lyfta sér upp í 7. sæti með 16 stig, stigi og sæti fyrir ofan Leiknismenn. Liðin eru langt frá því að vera sloppin frá falldraugnum og þurfa bæði að sækja stig í næstu leikjum.

Sóknarlína Leiknis þeir Óli Hrannar og Sævar Atli sáust varla í leiknum og þetta eru tveir mikilvægustu menn liðsins. Vörn ÍR var með þá í vasanum allan leikinn.

Enginn stór dómur sem var vafasamur en Egill dómari leiksins sá sig knúinn til að flauta við hverja snertingu og ekkert flæði komst á leikinn.