Óheppni hjá Björk í seinna marki Vals réði úrslitum í þessum leik. Þrátt fyrir að Valur væri meira með boltann náðu þær lítið að skapa sér.

Kadern Hancar slapp ein í gegn og var við það að mæta Söndru Sigurðardóttur þegar Jóhann Ingi flautar rangstöðu. Það er ekki frásögufærandi nema fyrir þær sakir að aðstoðardómarinn var ekki búinn að flagga þegar Jóhann Ingi dæmdi rangstöðuna. Í næstu sókn á síðan Guðrún Karítas skot í stöng sem fer í Björk og þaðan í netið. Fyrsta snerting Guðrúnar og Björk óheppin í markinu.

Valsstelpur hanga enn í 3. sæti deildarinnar stigi á undan Stjörnunni. HK/Víkingur heldur áfram í fallbaráttunni fjórum stigum frá fallsætinu.

Eftir góðan leik í marki HK/Víkings verður líklega erfitt fyrir Björk að sofna í kvöld eftir klaufalegt sigurmark Vals. Boltinn fór í stöngina og út í teiginn en Björk ætlaði sér að handsama boltann en fékk hann í hnéð og inn fór boltinn.

Auðveldur dagur á skrifstofunni hjá Jóhanni í kvöld. Flautaði heldur of mikið í seinni hálfleiknum að margra mati.