Sverrir Örn Einarsson @SEinarsson

- Meðalaldur 29 ár

- Meðalaldur 29 ár

Textalýsing Skýrslan Viðtöl

Hvað réði úrslitum? Klaufaskapur,samskiptaleysi og barnaleg mistök. Víkingar voru mun betri aðilinn fyrsta hálftíma leiksins og uppskáru gott mark og forystu um miðjan fyrri hálfleik. En eftir að Blikar jafna er eins og allt sjálfstraust fari úr varnarlínu þeirra og þeir með dyggri aðstoð Andreas Larsens markmanns bókstaflega gáfu Blikum mark strax í kjölfarið. Blikar bættu svo við í upphafi seinni hálfleiks og þrátt fyrir þunga pressu náðu Víkingar ekki að jafna og sigurinn því Blika. Bestu leikmenn 1. Viktor Örn Margeirsson Tvö mörk fyrir miðvörð er alltaf gott. Viktor gerði sitt vel skilaði varnarframlagi og skoraði tvö mörk eins og áður sagði. Getur gengið sáttur frá sínu dagsverki. 2. Geoffrey Castillion Allt annað að sjá til hans í kvöld en að undanförnu. Barðist um alla bolta og skapaði usla í vörn Blika, Virtist hafa passion fyrir þessu í kvöld, skoraði gott mark og fiskaði víti. Atvikið Annað mark Blika. Aðdragandinn að því er hættulítill bolti sem Mikkelsen og Gunnlaugur Fannar eru að elta. Larsen kemur út úr marki sínu og hefur líklega kallað á hann því Gunnlaugur gerir enga tilraun að koma boltanum frá nema Larsen gerir það ekki heldur. Boltinn hrekkur því frá þeim fyrir fætur Willums sem gat ekki annað en skorað. Algjör gjöf og mistök sem eiga ekki að sjást í efstu deild.

Hvað þýða úrslitin? Blikar skella sér á toppinn í það minnsta um tíma og eru í bullandi titilbaráttu. Víkingar sogast nær og nær fallsætunum og eiga það á hættu að dragast niður fyrir strikið ef úrslit fara ekki að falla með þeim. Vondur dagur Verður að vera Andreas Larsen hér þótt hann eigi ekki einn sök en svona mistök eru bara alltof dýr fyrir lið í basli eins og Víkingar eru Dómarinn - 5 Ekki nógu gott hjá Sigurði í kvöld. Vantaði samræmi á milli dóma en það bitnaði þó jafnt á báðum liðum. Getur þó betur.

- Meðalaldur 33 ár

- Meðalaldur 30 ár