Valsmenn voru einfaldlega betri aðilinn í þessum leik og fóru með sanngjarna tveggja marka forrystu inn í hálfleikinn. Blikar höfðu sótt vel í seinni hálfleik en þegar Valur skoraði þriðja markið var ljóst að Valur myndi fara með sigur af hólmi.

Þriðja mark Vals, Blikar höfðu sótt stíft allan seinni hálfleikinn en svo kom einhver misskilningur í vörn Blika sem endaði með að Dion kláraði leikinn fyrir Valsmenn.

Valsmenn fara á topp deildarinnar með 35 stig, einu stigi meira en Blikar en eiga leik til góða. Breiðablik er í 2.sæti, með tveimur stigum meira en Stjarnan sem á leik til góða.

Damir Muminovic fær þennan vafasama heiður í kvöld. Fær á sig víti sem kemur Val yfir í leiknum, var hárréttur dómur og hann á að vita betur en að brjóta þarna. Þriðja markið er síðan afar klaufalegt þar sem Viktor skallar boltann í Damir og þaðan fer boltinn á Dion sem skorar.

Þóroddur dæmdi þennan leik prýðilega vel, stórar ákvarðanir réttar og hafði góð tök á öllum leiknum.