Karakter Njarðvíkinga sigldi þessum sigri heim. Lentu manni færri snemma leiks í stöðunni 0-0 en létu það ekki á sig fá. Komust verðskuldað í 2-0 og vörðust svo vel í lokin.

Verðum við ekki að setja rauða spjaldið hér? Þarna héldu margir að róðurinn yrði þungur fyrir gestina. Þeir sýndu hinsvegar mikinn karakter og kláruðu leikinn manni færri.

Njarðvíkingar eru öruggir með sæti sitt í Inkassodeildinni á næsta ári. Ólsarar eiga að sama skapi ekki lengur möguleika á því að komast upp í Pepsideildina

Þetta verður að skrifast á varnarlínu Ólsara í föstum leikatriðum. Ótrúlega klaufalegur varnarleikur þegar Njarðvíkingar áttu föst leikatriði. Þetta hefur verið vandamál hjá Ólsurum í allt sumar og má færa rök fyrir því að á endanum hafi það kostað þá möguleikann á að komast upp.

Ljómandi fínn leikur hjá Aðalbirni og hans teymi. Auðvitað er maður alltaf ósammála einhverjum atriðum hjá dómurum en heilt yfir var þetta mjög vel dæmt