Ákefð og pressa KR sem voru betri og yfir á öllum þáttum leiksins. Sýndu mikla ákefð og pressu, sérstaklega í fyrri hálfleik sem gerði það að verkum að Fylkismenn komust ekki lönd né strönd og hefðu sanngjörn úrslit verið 1- 0 en Fylkismenn gáfust ekki upp og jöfnuðu á lokasekúndum leiksins.

Vítaspyrnan sem KR fékk á 17. mínútu leiksins. Pálmi Rafn sýndi þar kænsku sína og féll við í teig Fylkismann og fékk víti. Þetta var þó aldrei vítaspyrna miðað við endursýningar í sjónvarpinu. Aron Snær varði svo spyrnu Pálma Rafns og því var réttlætinu þar kannski fullnægt.

Liðin eru jöfn að stigum með 5 stig líkt og Stjarnan í sætum 4 - 6.

Geoffrey Castillion og Kolbeinn Finnsson. Castillion er framherji og sem slíkur dæmdur af mörkum sem hann skorar. Í dag voru þau núll talsins og gerði hann lítið í leiknum. Kolbeinn sýndi líka afskaplega lítið í dag og voru sendingarnar hans slakar.

Ágætlega dæmdur leikur en ekkert meira en það. Vítaspyrnudómurinn var spes og síðan vantaði einhverja línu sem Helgi myndi fylgja.