Arnór Heiðar Benónýsson @arnorben

Textalýsing Skýrslan Viðtöl

Hvað réði úrslitum? Úthald Selfyssinga. Leikurinn var spilaður á gríðarlega háu orkustigi og undir lokin voru heimakonur í HK/Víking orðnar afskaplega þreyttar og nýttu gestirnir sér það. Bestu leikmenn 1. Barbára Sól Gísladóttir Byrjaði leikinn í hægri bakverði en var færð upp á kant eftir meiðsli hjá Unni snemma í leiknum. Þar átti hún marga frábæra spretti og einn þeirra bjó til markið sem skildi liðin að í dag. 2. Fatma Kara Fatma sinnti hlutverki sínu sem sóknartengiliður gríðarlega vel og var virkilega spræk í fyrri hálfleik. Það hægðist vel á henni í þeim seinni rétt eins og öllu liðinu en hún var samt hættulegasti leikmaður HK/Víkings í leiknum. Atvikið Meiðslin sem Unnur Dóra varð fyrir eða réttara sagt breytingin á leikskipulaginu eftir skiptinguna. Barbára fór á hægri kantinn og ein af hennar frábæru rispum þar upp leiddi til sigurmarksins.

Hvað þýða úrslitin? Selfoss er komið á blað í Pepsi-Max deildinni, sem er gríðarlega mikilvægt fyrir þær. Aftur á móti hefur HK/Víkingur ekki náð að fylgja eftir sterkri byrjun á mótinu og þær þurfa að koma sér af stað aftur. Vondur dagur Erfitt að nefna einhvern einn leikmann en góðum degi fylgir oft vondur og lét Kristrún Kristjánsdóttir vinstri bakvörður fara ansi oft illa með sig þegar Barbára tók á sprett. Dómarinn - 7 Náði aldrei að setja alvöru línu í leiknum en dæmdi heilt yfir frekar vel. Það var spurning hvað gerðist þegar Kelsey felldi sóknarmann HK/Víkings sem var við það að fara ein í gegn. En hann var nær því en ég og fær hann því að njóta vafans.