Mikil barátta og karakter heimakvenna skilaði þeim þessum sigri. Þær gáfust aldrei upp, sama þótt þær lentu þrisvar undir í leiknum. Komu alltaf til baka.

Það er ekki annað hægt en að velja sigurmark Hafrúnar. Nær í þessa aukaspyrnu sjálf, beint fyrir utan teig Grindavíkur á síðustu mínútu framlengingarinnar. Tók spyrnuna sjálf og smurði honum upp í vinkilinn. Geggjað!

Afturelding verður í pottinum þegar dregið verður í 16-liða úrslitum Mjólkurbikar kvenna en Grindavík eru úr leik.

Erfitt að taka einhvern út hérna. Fjörugur leikur þar sem var hart barist og allir voru að leggja sig 150% fram.

Hefði stundum mátt leyfa leiknum að fljóta betur. Hann virtist stundum láta leikmenn og þjálfara hafa áhrif á ákvarðanir sínar. Þó engir stórir vafadómar og hallaði ekki á annað liðið. Ágætur á heildina litið.