Góður fyrrihálfleikur KR-inga og mikil barátta í síðari hálfleik. Komu sér í góða stöðu með forskotinu sem þær náðu og stóðust áhlaup Eyjakvenna vel í síðari hállfeik þegar jöfnunarmarkið lá í loftinu.

Seinna mark KR sem Ingunn skoraði á síðustu sekúndum fyrri hálfleiks. Gaf KR tveggja marka forskot inn í síðari hálfleikinn sem þær spiluðu manni færri. Gerði ÍBV erfiðara fyrir að jafna leikinn og virtist þungt högg fyrir gestina.

Úrslitin þýða að KR er komin með fyrstu stigin sín í deildinni og eru þá með jafn mörg stig og ÍBV. ÍBV, KR, HK/Víkingur og Selfoss eru öll með þrjú stig eins og staðan er núna í 6.-9. sæti Pepsi Max deildarinnar. Hinir leikir kvöldsins eru hinsvegar ekki búnir og gæti staðan því breyst í kvöld.

Guðný Geirsdóttir markvörður ÍBV hefur átt betri leik. Gerði slæm mistök í seinna markinu. Átti þó fínar vörslur inn á milli.

Fínn leikur hjá Gunnari. Var með góð tök á leiknum en leyfði leiknum að fljóta vel.