Eftir að Fylkir virtist mun líklegri í fyrri hálfleik til að skora þá kom Stjarnan af fullum krafti út í seinni hálfleikinn og tóku hann yfir. Fylkir gat skorað nokkur mörk í fyrri hálfleik en þegar þú klárar ekki færin þín er þér refsað og það gerðist í kvöld. Stjarnan var yfir á öllum sviðum í seinni hálfleik og nýttu sín færi sem þær fengu og heilt yfir var þetta sanngjarn sigur.

Diljá Ýr Zomers kemur inn á völlinn á 71. mínútu á 72. mínútu með sínum fyrstu snertingum skorar hún! Það kallar maður alvöru innkomu og kemur Stjörnunni um leið í þæginlegri tveggja marka forystu.

Stjarnan fer í þriðja sætið með 9.stig og eru aðeins þremur stigum á eftir toppliðum Vals og Breiðablik á meðan Fylkir situr aðeins eftir með 6.stig í 4-6. sæti

Þær geta nokkrar fengið þennan dag miða við síðari hálfleikinn. Margrét Eva Sigurðardóttir virkaði bara á mig eins og hún væri ekki í formi í dag. Hún Átti í erfiðleikum þegar kröftugir leikmenn Stjörnunar keyrðu á hana og það sama má segja um Huldu Sigurðardóttir. Hinsvegar ætlast ég bara til þess að Marija Radojicic geri betur úr þeim færum sem hún fékk og stöðum sem hún komst í! Hún þarf að átta sig á að þetta er ekki Inkasso deildinn heldur Pepsi Max deildin og þar færðu ekki sama tíma og sendingarnar þínar verða að vera betri.

Fyrir utan augljósan vítaspyrnudóm á 90 mín var hann flottur