Innkoma Jason Daða má segja að hafi ráðið úrslitum hér í dag. Ekki fallegur fótbolti sem boðið var uppá í dag.

Fyrsta mark leiksins. Hornspyrna sem Njarðvíkingar hreinsa út úr teig en Afturelding á skot sem Brynjar Atli slær upp í loft og svo má diskótera hvort um brot hafi verið að ræða eða ekki.

Afturelding hoppar upp í 9.sætið meðan Njarðvíkingar falla niður í 10.sætið.

Andri Gíslason og Atli Geir hjá Njarðvík verða að deila þessu. Andri komst aldrei í takt við leikinn en Atli Geir lét grípa sig illa í öðru markinu í dag auk þess sem hann var oft með mjög sérkennilegar ákvarðanir í öftustu línu.

Sómasamlega dæmt og ekki mikið um vafa dóma. Ekkert atriði sem hægt er að benda á sem mætti hafa farið betur nema kannski í aðdraganda fyrsta marksins hvort brotið hafi verið á markverði Njarðvíkur eða ekki.