Leikurinn var mjög jafn, bæði lið að spila hörku fótbolta en KA fær á sig fjögur mörk sem er aldrei vænlegt til sigur. Það er það sem skilur liðin að.

Það var heldur betur nóg af atvikum í þessum skemmtilega leik. Vítadómurinn ber kannski hæst þar sem Víkingur kemst í mjög vænlega stöðu 2-4. Leikurinn var ennþá opinn fyrir vítið og KA allt eins líklegir til að jafna. Markið úr vítaspyrnunni gaf Víkingum aukakraftinn sem þurfti til að klára þennan leik.

Víking Reykjavík tengir saman tvo sigurleiki og fara upp í 10 stig í deildinni og úr fallsæti. KA er áfram í 5. sæti með 12 stig. Deildin mjög þétt og nú eru tvö stig milli 5. og 10. sæti.

Fofana vill líklega gleyma þessum leik fljótt. Hann gerði engum greiða með því að vera inn á vellinum því miður. Virkaði mjög óöruggur í öllu því sem hann gerði, sendingar rötuðu illa á samherja og vann lítið sem ekkert af návígum. Hann var svo tekinn út af í hálfleik.

Þetta var langt frá því að vera auðveldur leikur að dæma. Mér fannst samt Einar Ingi komst nokkuð vel frá því en nokkrir umdeildir dómar sem draga hann niður.