Varnarleikur beggja liða var mjög þéttur og góður og kom í veg fyrir mörk í kvöld. Sóknarleikurinn hefði þó mátt vera betri og þá ákvörðunartaka og sendingar á síðasta þriðjung vallarins sérstaklega. Jafntefli sanngjörn niðurstaða.

Dauðafærið sem María Sól fékk í lok uppbótartímans. Fékk boltann alein fyrir framan markið en hitti boltann illa og tókst ekki að skora, hefði getað stolið sigrinum fyrir Stjörnuna.

Þór/KA heldur áfram að vera í 3. sæti deildarinnar og nú með fjórtán stig á meðan Stjarnan er komin tíu stig í 5. sæti.

Flestir sóknarmenn beggja liða koma til greina en Sandra Mayor komst hvorki lönd né strönd í kvöld. Varnarmúr Stjörnunnar varðist vel og lokuðu vel á hana en Sandra fékk samt dauðafæri á 73. mínútu þar sem hún hefði átt að gera betur.

Vel dæmdur leikur hjá Þórði Má og aðstoðarmönnum hans. Þó engar stórar ákvarðanir sem þeir þurftu að taka.