Leikurinn var í sjálfu sér mjög jafn og hefði þannig séð getað dottið báum megin. Munurinn er hins vegar sá að Valur skoraði þrjú mörk á meðan að Þór/KA skoraði ekkert.

Í stöðunni 1-0 missir Þór/KA fyrirliðan sinn Örnu Sif af velli og var það ákveðinn vendipunktur í leiknum. Mark númer tvö kláraði svo leikinn endanlega.

Valur heldur toppsæti sínu og er nú ellefu stigum á undan Þór/KA sem að er í þriðja sætinu. Breiðablik á eftir að spila og getur jafnað Val af stigum.

Þetta er rosalega flókið mál þar sem að það var engin á vellinum eitthvað yfirburðar léleg. En ætli maður verður ekki að setja sóknarleik Þór/KA hér þar sem að þær náðu ekki að skora í dag. Vantaði smá bit og ákefð í sóknarleikinn í dag.

Alls ekki erfiður leikur að dæma og flestar ákvarðanir réttar.