Fjölnisstúlkur mættu einfaldlega bara betur inn í þennan leik. Þær ná að setja tvö mörk tiltölulega snemma á lið Augnabliks og náðu þær sér aldrei almennilega á strik eftir það.

Seinna mark Fjölnis sló Augnablik alveg út af laginu. Þær voru vel inni í leiknum fyrir það en eftir það sáu þær aldrei til sólar.

Eftir leiki dagsins þá dettur Augnablik niður í sjötta sæti þar sem Haukar unnu gegn ÍR. Fjölnir er samt áfram í fallsæti þrátt fyrir sigurinn í dag en þær eru jafnar Grindavík og ÍA að stigum.

Varnalína Augnabliks var virkilega brothætt í þessum leik. Allt lið Augnabliks var heldur ekki nógu samstillt þegar kom að því að verjast eins og lið. Lið Augnabliks átti bara ekki góðan dag, þá sérstaklega í fyrrihálfleik, þær náðu þó að koma aðeins til baka í seinni hálfleik og setja eitt mark en markið kom einfaldlega bara alltof seint.

Virkilega "solid" leikur hjá dómaranum í dag