Þéttur varnarleikur gestanna úr Grindavík réði þar mestu. Blikar voru oft klaufar í sínum upphlaupum og þegar þeir loksins komust eitthvað áleiðis var Djogatovic traustur í markinu.

Markvarsla Djogatovic gegn Mikkelsen í fyrri hálfleik fær þennan reit eftir tilþrifalítinn leik.

Status quo satt að segja. Blikar 7 stigum á eftir toppliði KR en leikjunum fækkar. Grindavík er þó ekki fyrir ofan fallsæti á markatölu lengur en aðeins 1 stig er niður fyrir strikið.

Fór ansi lítið fyrir Guðjóni Pétri Lýðssyni á miðju Blika í dag. Man hreinlega ekki eftir nokkru sem hann gerði. Þó ekki hægt að blammera hann eitthvað sérstaklega þar sem leikurinn var alls ekki mikið fyrir augað.

Lala bara hjá Jóhanni í dag en enn og aftur það er stórskrýtið að dómarar geti ekki haldið þeirri línu sem þeir setja sér. Eftir fínar upphafsmínútur þar sem hann leyfði hægum leik að fljóta upphófst smá flautusyrpa hjá Jóhanni sem drap allt tempó í leiknum sem varð bara leiðinlegri fyrir vikið.