Mark frá Frans ræður hér úrslitum. Njarðvíkingar betri lungað af leiknum en í þetta sinn féll þetta með Keflvíkingum og gott skot frá Frans Elvarssyni klárar þennan leik.

Markið hans Frans. Njarðvíkingar í dauðaleit af stigum og það var ekkert sem var að fara benda til þess að Njarðvík myndi ekki ná allavega stigi en þá kom Frans og skemmdi partýið hjá þeim.

Njarðvíkingar eru ennþá í skítamálum undir rauðu línunni og róðurinn verður alltaf erfiðari og erfiðari. Keflvíkingar sigla lignan og ekki í baráttu um neitt annað en stoltið.

Brynjar Atli Bragason verður því miður að taka þetta á sig. Skotið frá Frans var skot sem undir eðlilegum kringumstæðum Brynjar hefði tekið og markmaðurinn á að taka. Svekkir sig á þessu í kvöld en snýr aftur reynslunni ríkari.

Var með flott tök á leiknum, smábrot hér og þar sem hefðu mátt fara öðruvísi en heilt yfir bara vel dæmdur leikur.