Umdeilt víti og umdeilt jöfnunarmark réðu hér úrslitum. Njarðvíkingar voru virkilega þéttir fyrir og Fjölnismenn svolítið ólíkir sér.

Jöfnunarmark Fjölnis. Svo virðist sem brotið hafi verið á Brynjari Atla markverði Njarðvíkur í aðdraganda marksins og Njarðvíkingar brjálaðir að ekkert hafi verið dæmt og í kjölfarið flugu rauð spjöld á loft.

Fjölnir er áfram á toppi deildarinnar og Njarðvík áfram undir rauðu línunni en bæði lið eru einu stigi nær markmiðum sínum.

Ætla fá að skella þessu alfarið á smáan hóp stuðningsmanna Fjölnis sem gerðu sér ferð á þennan leik. Öskruðu ókvæðisorðum að dómara leiksins lungað af leiknum og einbeittu sér meira að því að skipta sér af störfum dómarana heldur en að styðja sitt lið og þegar börn eru farin að öskra ókvæðisorðum að dómara án þess að í það er skorið er of langt gengið. Þetta á ekki að sjást né heyrast á íþróttavelli.

Tvö mjög stór vafamál í þessum leik sem draga hann svona niður en fyrir utan það var hann fínn lungað af leiknum.