KR-ingar voru hrikalega þéttir og leituðu í grunninn. Gerðu það sem þurfti og héldu Víkingum algjörlega í skefjum svo þeirra spræku sóknarmenn fundu sig ekki. Það var lítið að frétta á síðasta þriðjungi Víkinga.

Sigurmarkið í leiknum. Víkingar voru ekki viðbúnir. Kristinn Jónsson átti geggjaða sendingu á Kristján Flóka sem slapp einn í gegn og kláraði.

KR-ingar færast nær Íslandsmeistaratitlinum en þessi sigur ætti að færa þeim mikið eftir tvo tapleiki í röð. Víkingar eru aðeins stigi frá fallsæti.

Óttar Magnús fékk alls ekki þá þjónustu sem hann þurfti á að halda og var aldrei líklegur. Sóknarleikurinn var ekki upp á marga fiska hjá Víkingum og KR-ingar héldu þeim vel í skefjum.

Ágætis leikur hjá Einari.