Baldvin Már Borgarsson @BaldvinBorgars

- Meðalaldur 31 ár

- Meðalaldur 28 ár

Textalýsing Skýrslan Viðtöl

Hvað réði úrslitum? Þessi þrjú mörk sem hvort lið skoraði gerði það að verkum að liðin skiptu stigi á milli sín og köstuðu einu í svartholið. Frábær fótboltaleikur og mikil skemmtun, óheppnir þeir sem misstu af! Bestu leikmenn 1. Brynjólfur Darri Willumsson (Breiðablik) Brynjólfur kom inn í lið Blika þar sem Thomas var í banni og setti smá pressu aftan í hnakkann á Gústa Gylfa sem er væntanlega með þokkalegan hausverk, þvílík vinnsla í Brynjólfi, kraftur, áræðni, gæði og síðast en ekki síst þessi tvö mörk sem hann skorar. 2. Birkir Már Sævarsson (Valur) Það komu margir til greina hér en Birkir Már átti afbragðs leik í dag, skoraði eitt, lagði upp annað, bjargaði frábærlega þegar Höggi var að lauma sér á fjær og stóð vaktina vel. Aðrir sem má nefna hér eru Andri Rafn, Davíð Ingvars og Eiður Aron. Atvikið Sending Guðjóns Péturs á Andra Adolphs í öðru marki Vals var afleit og gerði stöðuna ansi svarta fyrir Blikana, sem reyndar virtust svo vakna aðeins við þetta og hysja upp um sig stuttbuxurnar.

Hvað þýða úrslitin? Blikar halda öðru sæti deildarinnar en Valur er ennþá fyrir neðan HK, sem hljómar alltaf jafn furðulega þegar maður les það. Vondur dagur Rosalega erfitt að stimpla þetta á einhvern einn fyrir frammistöðusakir, varnarleikur liðanna hefði jú mátt vera betri en það er rosalega vont fyrir Val og sérstaklega Sigga sjálfan að hann fari að mér virðist illa meiddur af velli í fyrri hálfleik. Dómarinn - 9,8 Afbragðs leikur hjá Ívari, hrikalega erfiður leikur að dæma og mikill hiti í þessu, Valsarar vildu víti sem mér fannst vel dæmt hjá Ívari að sleppa, eina sem kemur í veg fyrir að hann fái 10 er að mér fannst hann eiga að spjalda Hauk Pál fyrir að toga vel í Gísla eitt skiptið til að stoppa hann.

- Meðalaldur 32 ár