Það gekk ekkert upp hjá Gróttu í kvöld á meðan að það gekk allt upp hjá Aftureldingu. Allar fyrirgjafir hjá Gróttu urðu að engu og Afturelding refsaði þeim fyrir öll mistök.

Mark Arnórs Gauta var frábært. Fékk boltann langt fyrir utan teig og lét bara vaða. Það var líka markið sem gjörsamlega drap þennan leik.

Úrslitin þýða að Afturelding fer skrefinu nær í að halda sér uppi í deildinni á meðan Grótta er ennþá í séns á að komast upp í Pepsi Max deildina eftir 1-7 tap Þórs gegn Fjölni.

Vörn Gróttu var kærulaus og var í gjafastuði í kvöld og var sóknarlína Aftureldingu tilbúin að þiggja allt sem vörnin hafði uppá að bjóða.

Helgi Mikael var fínn í dag en það voru sum atvik sem þarf að skoða betur. Annars fékk leikurinn að fljóta ágætlega heilt yfir.