Það skipti sköpum að vera fyrra liðið til að skora í þessum leik og Magni náði því eftir nokkuð jafnar upphafs mínútur. Eftir það var Þróttur í stöðugum eltingarleik.

Þróttur pressaði Magna í seinni hálfleik. Þeir uppskera svo mark á 89 mínútu og búa til líflínu en Guðni skorar fyrir Magna mínútu síðar og gulltryggir liðinu stigin þrjú.

Magni fer upp fyrir Þrótt í 10 sæti og er með þetta í sínum höndum fyrir síðustu umferðina. Það munar nú stigi á Magna og Þrótt. Þróttur er komið í fallsæti eftir hreint ömurlegan ágústmánuð og þurfa nú að treysta bæði á sig og önnur úrslit í síðasta leik á móti Aftureldingu.

Róbert Hauksson fannst mér ekki eiga sérstakan dag í framlínunni hjá Þrótti. Það voru að koma fínir krossar frá báðum hliðum en mér fannst hann oft á tíðum ekki staðsetja sig nægjanlega vel eða biðja um boltann. Hins vegar er einhver veginn ekki hægt að setja þetta á einn mann. Það er eitthvað mikið að hjá liði sem er búið að tapa 6 leikjum í röð með markatöluna 5-19.

Kristinn átti ágætis dag. Mikill harka í leiknum, mikið af brotum enda mikið undir hjá báðum liðum. Fannst hann gera vel á mörgum stöðum en svo eru þessir vafadómar eins og markið sem var dæmt af hjá Þrótt og spurning hvort Agnar fær boltann í hendina þegar hann bjargar á línu. Það er eitthvað sem ég sá bara ekki nægjanlega vel til að setja mat á.