Liðin spiluðu bæði eins vel og veður leyfði og það var ekki að sjá á heimamönnum að þarna væri lið sem væri í fallbaráttu en Gróttumenn gerðu það sem þurfti og því fara þeir heim með stigin þrjú og sæti í Pepsi Max deildinni er í þeirra höndum fyrir loka umferðina.

Sigurmark Gróttu. Fór langleiðina með að tryggja Pepsi Max sætið og því ekki hægt að horfa framhjá því.

Grótta er með 9 og hálfa tá í Pepsí Max deildinni. Njarðvíkingar eru því miður fallnir niður í 2.deild.

Krystian Wiktorowicz átti erfiðan dag fremst hjá Njarðvík en hann var oft ekki vel staðsettur eða ekki nógu beinskeyttur. Klúðraði líka einn á móti markmanni í stöðunni 1-1 en hann átti ekki góðan dag á skrifstofunni.

Umdeildar ákvarðanir inn á milli en heilt yfir var þetta ágætlega dæmdur leikur.