Haukar nýttu færin sín einfaldlega betur, Keflvíkingar fengu tvö góð marktækifæri stuttu áður en Haukar komust yfir. Haukarnir skoruðu svo þrjú mörk með stuttu millibili og var leikurinn aldrei í hættu eftir það.

Þriðja mark Haukanna gerði endanlega út um leikinn strax á 29 mínútu og er því atvik leiksins.

Haukarnir fá hérna gríðarlega mikilvæg þrjú stig og í samblandi við úrslit annarra leikja þá kemur þessi sigur þeim í góða stöðu fyrir síðustu umferðina þar sem þeir leika á móti Gróttu.

Sóknarmenn Keflavíkur sáust lítið sem ekkert í leiknum nema þegar þeir voru dæmdir rangstæðir. Það var lítil sem engin tenging milli miðju og sóknar og má því setja spurningamerki um miðjuna líka en sóknarmennirnir fá þennan vafasama heiður í dag.

Formsatriði hjá Bjarna og hans teymi í dag, engar erfiðar ákvarðanir en líka engar rangar ákvarðanir. Fínn dagur hjá teyminu.