HK-ingar gáfust ekki upp. KA menn fengu heldur betur tækifærin til þess að loka þessum leik, en nýttu þau ekki og 1-0 staða er hættuleg hvort sem að þú ert einum manni eða þremur mönnum fleiri.

Jöfnunarmark HK. Þvílík dramatík þegar Emil skallaði boltann framhjá Jajalo. Stuðningsmenn HK í stúkunni gjörsamlega sturluðust úr fögnuði.

HK fara uppí 5. sætið, allavega um stundarsakir, en KA menn verða að gera sér 10. sætið að góðu. Ef að KA hefðu hangið á þessu, þá væru þeir í 5. sæti en Emil Atlason hélt nú ekki. KA eiga útileik gegn nýkrýndum bikarmeisturum Víkings R. en HK fá Skagamenn í heimsókn. Tvær umferðir eftir og Grindavík þurfa að vinna upp 7 stiga forskot KA á liðið.

Björn Berg Bryde fékk rautt spjald og skildi HK eftir í holu sem að þeir klifruðu svo uppúr, blessunarlega fyrir hann. Hann var klaufalegur í þessum tveimur brotum á Elfari Árna, en átti ekki slæman leik þrátt fyrir það.

Ágæt frammistaða hjá Erlendi.