Líklegast var það spennustigið. Keflavík kom pressulaust til leiks og naut þess að spila fótbolta meðan að Fjölnismenn virkuðu oft á tíðum stressaðir og illa áttaðir á vellinum. Sanngjarn sigur Keflavíkur.

Rasmus hélt Fjölni inn í leiknum þegar Keflvíkingar tættu í sundur vörn Fjölnis á eftir tæplega klukkustundar leik. Davíð Jóhannsson dansaði fram hjá varnarmönnum og var við það að munda skotfótinn af 7 metra færi þegar Rasmus nær gulltæklingu og rekur stóru tánna í boltann sem skoppar frá Davíð. Gaf sínum mönnum séns sem þeir nýttu þó ekki.

Keflavík endar í 5.sæti deildarinnar og getur nokkuð vel við unað eftir sveiflukennt sumar. Fjölnir missir sigurlaunin fyrir sigur í Inkasso deildinni í hendur Gróttu en er á leið í Pepsi Max að ári.

Það er á ábyrgð þjálfarateymisins að halda spennustigi leikmanna á réttum stað fyrir svona leiki. Það virðist ekki hafa tekist í dag og fá Ásmundur og hans menn því þennan reit. En sætið í Pepsi Max er tryggt svo þeim er eflaust samt þótt bikar hefði að sjálfsögðu verið fín gulrót fyrir sumarið.

Kristinn Friðrik Hrafnsson dæmdi leikinn afar vel að mínu mati. Hélt góðu floti og leyfði mönnum að kljást. Samkvæmur sjálfum sér og beitti hagnaði þegar þess þurfti.