Sverrir Örn Einarsson @SEinarsson

- Meðalaldur 31 ár

- Meðalaldur 33 ár

Textalýsing Skýrslan Viðtöl

Hvað réði úrslitum? Gæðin í Blikaliðinu eru bara miklu meiri en hjá Gróttu. Virkuðu ekki á fullu tempói en virtust geta spilað sig í gegn ef þeir settu vélina af stað. Grótta að sama skapi virtist ekki tilbúin í leikinn og bauð upp á afskaplega fátt annað en baráttu í leiknum í kvöld. Bestu leikmenn 1. Viktor Karl Einarsson Viktor Karl var öflugur í kvöld. Skoraði gott mark og ógnaði mikið af hægri vængnum í samvinnu við Andra Rafn. Varnar menn Gróttu áttu í miklu basli með hann í kvöld. 2. Hákon Rafn Valdimarsson Þessi ungi og efnilegi markvörður átti nokkrar frábærar vörslur í kvöld og það er ekki síst honum að þakka að sigur Blika varð ekki stærri. Fjölmargir Blikar þó sem gera tilkall til þessa sætis, gæti nefnt Brynjólf, Andra Rafn og ýmsa aðra en gef Hákoni þetta fyrir sínar vörslur. Atvikið Í uppbótartíma varð upprisa á Kópavogsvelli. Kristinn Steindórsson sem sneri aftur til Blika fyrir tímabilið skoraði sitt fyrsta mark í mótsleiks síðan Guð má vita hvenær. Hefur gengið í gegnum erfiða tíma í boltanum undanfarin ár og er það gleðiefni fyrir Blika ef hann ætlar að rifja upp gamla takta í græna búningnum í sumar.

Hvað þýða úrslitin? Blikar fá 3 stig og tylla sér því á toppinn ásamt hinum sigurliðum 1.umferðar. Grötta fær því engin stig og situr með tapliðunum á botninum. Ekkert flókið þar. Vondur dagur Arnar Þór Helgason miðvörðurinn stæðilegi vill ábyggilega bara gleyma þessu sem fyrst. Átti í basli varnarlega og kórónaði slæman dag með því að fá rautt spjald. Ekkert sérstaklega góð frumraun það. Dómarinn - 7 Raðspjöldun og smá læti í fyrri hálfleik en Vilhjálmur leysti það fagmannlega og átti að mínu mati bara nokkuð solid leik

- Meðalaldur 27 ár