Mist Rúnarsdóttir @MistRunarsdotti

- Meðalaldur 29 ár

Textalýsing Skýrslan Viðtöl

Hvað réði úrslitum? Yfirburðir Breiðabliks voru gríðarlegir frá upphafi til enda. Andlausir KR-ingar áttu engin svör við hröðum og vel drilluðum sóknarleik Blika sem léku á als oddi. Bestu leikmenn 1. Berglind Björg Þorvaldsdóttir Berglind á tvenna gullskó og langar í fleiri. Var í miklum ham í dag og var búin að skora þrjú mörk eftir rúman hálftíma. Fyrsta Max þrennan í sumar. 2. Sveindís Jane Jónsdóttir Það var ótrúlegur kraftur í Sveindísi frá fyrstu mínútu og fram í uppbótartíma. Olli miklum usla, hvort heldur sem var með kröftugum hlaupum sínum af kantinum eða löngu innköstunum sem eru fyrir löngu orðin fræg. Skoraði tvö og lagði upp eitt. Atvikið Berglind Björg skorar fyrstu þrennu deildarinnar í sumar með fallegu vinstri fótar skoti af D-boganum.

Hvað þýða úrslitin? Blikar eru á toppi Maxins eftir þrjár umferðir. Fullt hús stiga og 11 mörk í plús. KR-ingar sitja súrar á hinum enda töflunnar. Stigalausar og með 11 mörk í mínus. Vondur dagur Hvar á að byrja? Það er ómögulegt að taka einstaka leikmenn út hjá KR. Frammistaðan var heilt yfir arfaslök og lítið sem ekkert sem gekk upp. Dómarinn - 6 Vítadómurinn virtist réttur úr blaðamannastúkunni séð. Það voru í raun engar aðrar stórar ákvarðanir fyrir Bríeti að taka. Það má eflaust rökræða einhverjar aukaspyrnur og eitthvað af metrunum sem bakvörður KR var duglegur að reyna að stela.. En við veltum okkur ekki upp úr því eftir svona ójafnan leik.

- Meðalaldur 24 ár

- Meðalaldur 24 ár