Einstaklingsgæði Nikola Dejan Djuric vógu ansi þungt í dag. Þá voru gæðin fram á við heilt yfir meiri hjá gestunum í þessum leik.

Aukaspyrnumark Nikola er hann jafnaði leikinn í 1-1 var algjör lykill í endurkomusigri gestanna.

Úrslitin þýða að Haukar eru á toppi deildarinnar ásamt Kórdrengjum með fullt hús stiga eftir þrjá leiki. Þróttur á enn eftir að sækja sinn fyrsta sigur og er með 2 stig. Það er spurning hvort hann komi í næsta leik gegn Njarðvík.

Aldrei gaman að velja menn í þennan lið. Varnarmenn Þróttar gleymdu sér alveg í seinna marki Nikola sem hófst á því að heimamenn áttu hornspyrnu hinum megin á vellinum. Gef þeim þennan vafasama titil.

Þetta var erfiður leikur fyrir Helga að dæma. Mér fannst hann hafa fín tök í leik þar sem harkan var mikil og á köflum erfitt að láta leikinn fljóta. Ekki mikið við hann að sakast í því.