Gróttuliðið var miklu ferskara í kvöld og spilaði leikinn á hærra tempói en andstæðingarnir. Þær komust í fína stöðu í fyrri hálfleik og sigldu sigrinum svo í höfn með skynsamlegri spilamennsku í síðari hálfleik.

Víkingar voru farnar að hóta jöfnunarmarkinu þegar hin eldfljóta María Lovísa dúkkaði allt í einu upp ein gegn markverði og skoraði annað mark Gróttu. Markið kom rétt fyrir hálfleik og gerði Gróttukonum eftirleikinn auðveldari en ella.

Heimakonur eru áfram með eitt stig og halda áfram að leita að fyrsta deildarsigri sínum. Grótta kemst hinsvegar í 8 stig og nýliðarnir eru taplausar í 4. sæti eftir fjórar umferðir.

Víkingsliðið var heilt yfir heldur þunglamalegt í kvöld. Margir leikmenn sem hafa oft verið frískari og eiga þónokkuð inni.

Fínt hjá tríóinu.